Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.5.31
← 1.5.29-301.5.32 →
yenaivāhaṁ bhagavato vāsudevasya vedhasaḥ |
māyānubhāvam avidaṁ yena gacchanti tat-padam ||
Translation
— translation pending —
Commentary
Śrīdhara Svāmī
bhāvārtha-dīpikā
tad eva jñānaṁ pūrvokta-tvaṁ-padārtha-jñānād vivekena darśayati—yenaiveti |
avidaṁ jñātavān aham ||
Jīva Gosvāmī
krama-sandarbhaḥ
avidaṁ heyatvena jñātavān asmi |
sva-mate māyā-śabdasya cic-chakti-vācitve tūpadeyatvena |
tat-padaṁ tasya caraṇāravindaṁ gacchanti, parama-prītyā sākṣāt-kurvanti—imaṁ sva-nigamaṁ [bhā.pu. 1.5.39] iti-ādi-vakṣyamāṇāt, śrī-nāradatva-prāptau tat-phala-parākāṣṭhā-darśanāc ca ||
Viśvanātha Cakravartī
sārārtha-darśiṇī
yenaiva śrī-bhāgavatena bhagavatomāyāyāś cic-chakter aiśvarya-mādhurya-jñānasya kṛpā-śaktes triguṇa-māyā-śakteś ca anubhāvaṁ kāryaṁ, prabhāvaṁ vā avidaṁ jñātavān asmi |
triguṇātmikātha jñānaṁ viṣṇu-śaktis tathaiva ca | māyā-śabdena bhaṇyeta śabda-tattvārtha-vedibhir ||
māyā ca vayunaṁ jñānam iti nirghaṇṭuḥ, māyā syāc chambarī-buddhyor iti trikāṇḍa-śeṣaḥ, māyā dambhe kṛpāyāṁ ca iti viśvaḥ |
ata eva svarūpa-bhūtayā nitya-śaktyā māyākhyayā yutaḥ |
ato māyā-mayaṁ viṣṇuṁ pravadanti sanātanam iti mādhva-bhāṣya-pramāṇitā śrutiś ca |
evam agrimeṣu grantheṣv api māyā-śabdena yathā-sambhavaṁ cic-chakti-tri-guṇa-śakty-ādayo vācanīyāḥ ||
Baladeva Vidyābhūṣaṇa
vaiṣṇavānandinī
yena śāstreṇa, māyānubhāvaṁ kṛpā-prabhāvam aham avidaṁ |
māyā dambhe kṛpāyāṁ ca iti viśvaḥ |
yena tat-padaṁ tad-bhaktā gacchanti ||
← 1.5.29-301.5.32 →