Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.5.29-30
← 1.5.281.5.31 →
tasyaivaṁ me’nuraktasya praśritasya hatainasaḥ |
śraddadhānasya bālasya dāntasyānucarasya ca ||
jñānaṁ guhyatamaṁ yat tat sākṣād bhagavatoditam |
anvavocan gamiṣyantaḥ kṛpayā dīna-vatsalāḥ ||
Translation
— translation pending —
Commentary
Śrīdhara Svāmī
bhāvārtha-dīpikā
tasyeti |
jñāna-śuddha-tvaṁ-padārthasya dṛḍha-bhaktimato me |
praśritasya vinītasya ||
guhyatamam iti |
sādhana-bhūta-dharma-tattva-jñānaṁ guhyam |
tat-sādhyaṁ viviktātma-jñānaṁ guhyataram |
tat-prāpyeśvara-jñānaṁ guhyatamam |
bhagavatoditaṁ bhāgavataṁ śāstram anvavocann upadiṣṭavantaḥ ||
Jīva Gosvāmī
krama-sandarbhaḥ
tasyeti yugmakam |
etad-anantaraṁ parama-rahasyam anyad apy upadidiśur ity āha—jñānam iti |
jñāna-vijñānādi-saṁvalitaṁ catuḥślokī-rūpam ity arthaḥ |
tasya rahasyākhya-bhakty-eka-tātparyatvād iti bhāvaḥ |
sākṣād bhagavatoditam iti, purā mayā proktam ajāya [bhā.pu. 3.4.13] ity-ādikaṁ smārayati |
guhyatamaṁ brahma-paramātma-jñānād api rahasyatamam ||
29-30||
Viśvanātha Cakravartī
sārārtha-darśiṇī
tasyaivaṁbhūtasya me mama utpanna-prema-bhakteḥ sākṣad-bhagavatā devakī-nandanena uditam | jñāyate’neneti jñānaṁ jñāna-śāstraṁ, tac ca kevala-jñāna-pradhānāt bhakti-miśra-jñāna-pradhānaṁ śāstra-guhyam |
tato’pi jñāna-miśra-bhakti-pradhānaṁ guhyataram |
tato’pi kevala-bhakti-pradhānaṁ guhyatamaṁ, yad uddhavaṁ brahmāṇaṁ ca prati śrī-bhāgavatam, arjunaṁ prati śrī-gītābhidhaṁ ca |
gamiṣyantaḥ śvo vayaṁ yāsyāma iti vibhāvya anvavocan upadiṣṭavantaḥ ||
29-30||
Baladeva Vidyābhūṣaṇa
vaiṣṇavānandinī
athāvāpta-ratir ayaṁ bālaḥ sāṅkhyādibhiḥ śāstraiḥ pratārito mā bhūd iti jigamiṣavas te sva-siddhāntan copadidiśur ity āha dvābhyām |
teṣv anuraktasya praśritasya vinītasya, anucarasya sevamānasya ||
jñānaṁ jñāna-sādhanaṁ śāstraṁ, dehādi-vivikta-jīva-sva-svarūpa-viṣayakaṁ guhyaṁ, prapañca-vivikteśvara-viṣayakaṁ guhyataraṁ, bhakty-eka-vaśya-tad-viṣayakaṁ tu guhyatamam |
sākṣād bhagavatā śrī-kṛṣṇena yad virañcim uddhavam arjunaṁ ca praty uditam ||
← 1.5.281.5.31 →