Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.5.25
← 1.5.241.5.26 →
ucchiṣṭa-lepān anumodito dvijaiḥ
sakṛt sma bhuñje tad-apāsta-kilbiṣaḥ |
evaṁ pravṛttasya viśuddha-cetasas
tad-dharma evātma-ruciḥ prajāyate ||
Translation
— translation pending —
Commentary
Śrīdhara Svāmī
bhāvārtha-dīpikā
ucchiṣṭasya lepān pātra-lagnāṁṣ tair dvijair anujñātaḥ san bhuñje sma |
tena bhojanenāpāsta-kilbiṣo jāto’smi |
teṣāṁ dharme parameśvara-bhajane evātmano manaso ruciḥ prajāyate sma ity anuṣaṅgaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
tataś ca ucchiṣṭasya lepān teṣāṁ bhojana-pātre lagnān odanān sakṛd eka-vāraṁ bhuñje sma |
kīdṛśaḥ ? dvijais tais tad-arthaṁ mayā prārthitair anumoditaḥ dattānujñaḥ tenaiva apāstāni vinaṣṭāni kilbiṣāṇi bhakti-pratibandhakā anarthā yasya saḥ |
tataś ca nityam eva bhukta-tad-ucchiṣṭasya mama śravaṇa-kīrtana-smaraṇātmikā bhaktir anāyāsenaivābhavad ity āha |
evaṁ pravṛttasyānyasyāpi janasya bhaktānām ucchiṣṭaṁ yo bhuṅkte, tasya teṣām eva dharme śravaṇa-kīrtanādāv ātmano manaso ruciḥ prakarṣeṇāvaśyam eva jāyate |
evaṁ bhajaneṣu spṛhā, bhaktiḥ, anarthāpagamaḥ, tataḥ niṣṭhā, rucir iti paṁ ca bhūmikā anena ślokārthena sūcitā jñeyāḥ ||
Baladeva Vidyābhūṣaṇa
vaiṣṇavānandinī
kṛpā-viśeṣam āha—ucchiṣṭa-lepān bhojana-pātra-lagnānodanān ahaṁ sakṛt bhuñjesma, tair anumodito bhuṅkṣvaitānity anujñātaḥ |
tad apāsta-kilbiṣaḥ tad-bhojana-vidhvasta-bhakti-pratibandhi-sarvan artho'hamabhavam |
tataś ca nityam evaṁ pravartamānasya me teṣāṁ yoginaṁ dharme kṛṣṇa-līlā-śravaṇa-kīrtanādā vātmano manaso rucirajāyata |
evaṁ ca bhakti-spṛhā-bhaktyananirthavṛtti-bhaktir ucayo darśitāḥ ||
← 1.5.241.5.26 →