Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.5.23
← 1.5.221.5.24 →
ahaṁ purātīta-bhave’bhavaṁ mune
dāsyās tu kasyāścana veda-vādinām |
nirūpito bālaka eva yogināṁ
śuśrūṣaṇe prāvṛṣi nirvivikṣatām ||
Translation
— translation pending —
Commentary
Śrīdhara Svāmī
bhāvārtha-dīpikā
sat-saṅgato hari-kathā-śravaṇādi-phalaṁ sva-vṛttāntena prapañcayati—aham iti |
ahaṁ purā pūrva-kalpe’tīta-bhave pūrva-janmani veda-vādināṁ dāsyāḥ sakāśād abhavaṁ jāto’smi |
nirūpito niyuktaḥ |
kva ? yogināṁ śuśrūṣaṇe |
prāvṛṣi varṣopalakṣite cāturmāsye |
nirvivikṣitāṁ nirveśam ekatra vāsaṁ kartum icchatām ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
yādṛcchikī bhagavad-bhakta-kṛpaiva śuddhāyā ukta-lakṣaṇāyā bhakter hetur nānyat tapa-ādikam iti vaktuṁ sva-pūrva-vṛttāntam āha aham iti |
purā pūrva-kalpe atīta-bhave pūrva-janmani veda-vādināṁ kasyāścana dāsyāḥ sakāśād abhavaṁ jāto’smi prāvṛṣi varṣā-kāle nirvivikṣatāṁ nirveśam ekatra-vāsaṁ kartum icchatāṁ yogināṁ tatrānvahaṁ kṛṣṇa-kathāḥ pragāyatāṁ [bhā.pu. 1.5.26] ity agre vakṣyamāṇatvād bhakti-yogavatāṁ śuśrūṣaṇe nirūpitaḥ niyukto’smi ||
Baladeva Vidyābhūṣaṇa
vaiṣṇavānandinī
uktaiṣā viśuddhā kṛṣṇa-phalā guru-prabhāvā bhaktiḥ sat-kṛpayaiva syād iti sva-vṛttāntenāha—he mune vyāsa! purvā pūrva kalpe'tīte bhave janmani veda-vādināṁ dāsyāḥ sakāśad aham abhavaṁ jātaḥ |
tairahaṁ bālaka eva cāpalyādi vāneva yogināṁ kṛṣṇa-dhyāyināṁ śuśraṣaṇe paricaryāyāṁ nirūpito nyayoji |
kīdṛśām ity āha—prāvṛṣi cāturmāsye nirvivikṣatām ekatra nirveśaṁ sthitim icchatām ||
← 1.5.221.5.24 →