Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.5.8
← 1.5.71.5.9 →
śrī-nārada uvāca
bhavatānudita-prāyaṁ yaśo bhagavato’malam |
yenaivāsau na tuṣyeta manye tad darśanaṁ khilam ||
Translation
— translation pending —
Commentary
Śrīdhara Svāmī
bhāvārtha-dīpikā
anudita-prāyam anukta-prāyam |
amalaṁ bhagavad-yaśo vinā yenaiva dharmādi-jñānena asau bhagavān na tuṣyeta, tad eva darśanaṁ jñānaṁ khilaṁ nyūnaṁ manye’ham ||
Jīva Gosvāmī
bhagavat-sandarbhaḥ, 70.4
bhagavad-yaśo-varṇanopalakṣaṇaṁ bhajanaṁ vinā yenaiva rukṣa-brahma-jñānena asau bhagavān tu tuṣyeta, tad eva darśanaṁ jñānaṁ khilaṁnyūnaṁmanye, tad eva spaṣṭayeti ||
Jīva Gosvāmī
krama-sandarbhaḥ
bhavatā iti |
yaśo-varṇanābhāva-mayena brahma-jñānenāpi khilam iti śrī-bhagavad-ākhya-pūrṇa-tattvāvirbhāvābhāvāt ||
Viśvanātha Cakravartī
sārārtha-darśiṇī
anudita-prāyam anukta-prāyam |
bhagavato yaśaḥ sarva-svarūpebhyo bhagavat-svarūpasyotkarṣaḥ, sarvotkarṣa-dyotinī tasya līlā bhaktiś ca |
nanu mayā brahma-mīmāṁsā-śāstraṁ vedānta-darśanaṅkṛtaṁ ? tatrāha—yeneti |
tad-darśanaṁ darśana-śāstram api khilaṁ nyūnam eva manye, tad-darśana-kartur eva tavāpi cittāprasādaś cet tarhi adhītyādhītya tad-darśanābhyāsīnām api kathaṁ cittaṁ prasīdantu ? ity atra bhavān eva pramāṇam iti bhāvaḥ ||
Baladeva Vidyābhūṣaṇa
vaiṣṇavānandinī
nyūnaṁ bravīti—bhavateti |
anudita-prāyam anukta-prāyam |
nanu mayā catur lakṣaṇī-vedānta-darśanaṁ prakaṭitam asti, yatra para-tattva-nirūpaṇaṁ? tatrāha—yenāsau harirna tuṣyeta, tad-darśanaṁ khilaṁ nyūnaṁ manye, tatra tad-yaśaso'nukta-prāyatvāt, anyathā tat-prakaṭayitus tava hṛd-vitāpaḥ katham iti bhāvaḥ ||
← 1.5.71.5.9 →