Premabase
·
Śrīmad Bhāgavatam
·
Canto 1
· Chapter 5
Show
Sanskrit
Hindi
English
Script
IAST
देवनागरी
বাংলা
Commentary
Śrīdhara
Jīva
Viśvanātha
Baladeva
ŚB 1.5.6
← 1.5.5
1.5.7 →
sa vai bhavān veda samasta-guhyam
upāsito yat puruṣaḥ purāṇaḥ |
parāvareśo manasaiva viśvaṁ
sṛjaty avaty atti guṇair asaṅgaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
agādha-bodhatāṁ prapañcayann āha—sa veti dvābhyām |
sarva-guhya-jñāne hetuḥ—yad yasmāt purāṇaḥ puruṣa upāsitas tvayā |
kathaṁbhūtaḥ |
parāvareśaḥ kārya-kāraṇa-niyantā |
manasaiva saṅkalpa-mātreṇa guṇaiḥ kṛtvā viśvaṁ sṛjatītyādi ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
tvayā yat purāṇaḥ puruṣa upāsitaḥ tena parāśara-putratvena mahā-bhāgatvena caturvedajñatvena brahmānubhavitvena ca tvayāham uktas tvaṁ tu brahmaṇaḥ putro’gādha-bodhaṁ sarvajño bhagavad-upāsaka iti mattaḥ sarvatahivātitarām eva viśiṣṭa iti bhāvaḥ |
parāvareśa ity-ādi-viśeṣaṇakaḥ sa vai niścitaṁ bhavān eva tava bhagavad-avatāratvād ato bhavān samastānāṁ samastaṁ ca guhyaṁ veda ||
Baladeva Vidyābhūṣaṇa
vaiṣṇavānandinī
uktam agādha-bodhatvam āha—sa iti |
samasta-guhya-vettṛtve hetuḥ—yat purāṇaḥ puruṣaḥ kṛṣṇas tvayopāsitaḥ, pareṣāṁ muktānām avareṣāṁ cāmuktānām īśaḥ, yo manasā saṅkalpenaiva guṇair viśvaṁ sṛjatīty-ādi |
asaṅgas tair aspṛṣṭaḥ |
tathā ca pārāśaryatvādi-guṇakān-mattas tvaṁ brahma-putratvādi-dharmātiśayī sarva guhyavetteti ||
← 1.5.5
1.5.7 →