Premabase
·
Śrīmad Bhāgavatam
·
Canto 1
· Chapter 5
Show
Sanskrit
Hindi
English
Script
IAST
देवनागरी
বাংলা
Commentary
Madhvācārya
Śrīdhara
Jīva
Viśvanātha
Baladeva
ŚB 1.5.5
← 1.5.4
1.5.6 →
vyāsa uvāca
asty eva me sarvam idaṁ tvayoktaṁ
tathāpi nātmā parituṣyate me |
tan-mūlam avyaktam agādha-bodhaṁ
pṛcchāmahe tvātma-bhavātma-bhūtam ||
Translation
— translation pending —
Commentary
Madhvācārya
bhāgavata-tātparyam
jñāna-śakti-svarūpo’pi hy ajñāśaktaṁ vaded dhariḥ | ajñānāṁ mohanāyeśas tena muhyanti mohitāḥ ||
Śrīdhara Svāmī
bhāvārtha-dīpikā
ātmā śārīro mānasaś ca |
tan-mūlaṁ tasyāparitoṣasya kāraṇam |
avyaktam asphuṭam |
he nārada, tvā tvāṁ pṛcchāma |
ātma-bhavo brahmā tasyātmano dehād udbhūtas tvam |
ata evāgādho’tigambhīro bodho yasya taṁ tvām ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
tasyāparitoṣasya mūlaḥ kāraṇam avyaktam asmābhir durjñeyaṁ tvāṁ vayaṁ pṛcchāma atra he iti sambodhanena na cāham abhijānāmīti vācyam |
yata
ātma-bhavo
brahmā tasyātmano dehāt bhūtaṁ jātam iti paitṛka-prabhāvaḥ |
agādha-bodha iti svīyaś ca prabhāvas taj-jñāne kāraṇam asty eveti bhāvaḥ ||
Baladeva Vidyābhūṣaṇa
vaiṣṇavānandinī
evaṁ pṛṣṭaḥ prāha—asty eveti |
tan-mūlaṁ tasyāparitoṣasya kāraṇam |
avyaktaṁ durjñeyaṁ tvāṁ pṛcchāmaḥ |
kīdṛśam ity āha—ātma-bhavasya virañcerātmano bhūtaṁ jātam iti viśeṣaṇābhyāṁ tat-kathane sāmarthyam uktam ||
← 1.5.4
1.5.6 →