jijñāsitam adhītaṁ ca brahma yat tat sanātanam | tathāpi śocasy ātmānam akṛtārtha iva prabho ||
Translation
— translation pending —
Commentary
Madhvācārya
bhāgavata-tātparyam
śocasi prakāśayasi |
ajasreṇa śociṣāśośucāna iti hi śrutiḥ ||
Śrīdhara Svāmī
bhāvārtha-dīpikā
kīṁ ca, yat sanātanaṁ nityaṁ paraṁ brahma,tac ca tvayā jijñāsitaṁ vicāritam adhītam adhigataṁ prāptaṁ cety arthaḥ |
athāpi śocasi tat kim-artham iti śeṣaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
na cānubhava-jñānam apekṣitavyam ity api vācyaḥ yataḥ sanātanaṁ nityaṁ brahma vyāpakaṁ nirviśeṣa-svarūpaṁ yat tad api jijñāsitaṁ vedānta-sūtra-karaṇair vicāritam |
na kevalaṁ jijñāsitam eva api tu adhītam avagatam anubhava-gocarīkṛtam ity arthaḥ |