Śrīmad Bhāgavatam 1.5.3

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.5.3

jijñāsitaṁ susampannam api te mahad-adbhutam |
kṛtavān bhārataṁ yas tvaṁ sarvārtha-paribṛṁhitam ||

Translation

— translation pending —

Commentary

Śrīdhara Svāmī

bhāvārtha-dīpikā

te jijñāsitaṁ jñātum iṣṭaṁ dharmādi yat tat sarvaṁ susaṁpannaṁ samyag jñātam |

api-śabdād anuṣṭhitaṁ cety arthaḥ |

ayīti pāṭhe saṁbodhanam |

susaṁpannatve hetuḥ—mahad-adbhutam ity-ādi |

sarvair arthair dharmādibhiḥ paribhṛṁhitaṁ paripūrṇam ||

Jīva Gosvāmī

krama-sandarbhaḥ

kṛtavān bhāratam ity asya virodhi yan mātsye śrūyate—

aṣṭādaśa-purāṇāni kṛtvā satyavatī-sutaḥ | bhāratākhyānam akhilaṁ cakre tad-upabṛṁhitam ||

tatra—

sa saṁhitāṁ bhāgavatīṁ kṛtvānukramya cātma-jam | śukam adhyāpayām āsa nivṛtti-nirataṁ muniḥ ||

[bhā.pu. 1.7.8]

iti saptamādhyāya-vākyena samādhānaṁ dṛśyate |

prathamataḥ sāmānyatayā kṛtvā śrī-nāradopadeśānantaram anukramya tat-sammaty-anukrameṇa viśeṣataḥ kṛtveti hy atrārthaḥ ||

Viśvanātha Cakravartī

sārārtha-darśiṇī

na ca tava śāstra-jñānaṁ kiñcid apekṣitavyaṁ tad-alabdhi-mūlako’yaṁ viṣāda iti vācyam |

yato jijñāsitam ity-ādi ||

Baladeva Vidyābhūṣaṇa

vaiṣṇavānandinī

kṛtāvatāra-prayojanatvāc ca sa nocita ity āha—jijñāsitaṁ jñātum iṣṭaū yad-veda-vyasana-dharmādi tattava susampannaṁ saṁsiddham |

mahat svarūpataḥ, adbhutaṁ bodhataḥ, yastvaṁ bhārataṁ kṛtavān prakaṭayāñcakārtha sarvair dharmādibhir arthaiḥ paribṛṁhitaṁ paripūrṇam ||