Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.5.2
← 1.5.11.5.3 →
nārada uvāca
pārāśarya mahā-bhāga bhavataḥ kaccid ātmanā |
parituṣyati śārīra ātmā mānasa eva vā ||
Translation
— translation pending —
Commentary
Madhvācārya
bhāgavata-tātparyam
śārīra-mānasayor abhedād ubhayathāpi yujyate |
svatantratvād ātmanaiva hy alaṁ buddhiḥ ||
Śrīdhara Svāmī
bhāvārtha-dīpikā
śārīraḥ śarīrābhimāny ātmā ātmanā tena śarīreṇa kaccit kiṁ parituṣyati ?mānasa ātmā mano’bhimānī, tena manasā parituṣyati kaccid no vā ? ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
śārīraḥ śarīrābhimānī ātmā |
ātmanā tena śarīreṇa kiṁ tuṣyati ?mānasa ātmā mano’bhimānī, tena manasā |
kaccid iti praśne |
kiṁ parituṣyati no vā |
pārāśarya iti mahā-bhāga ity ābhyāṁ paitṛka-svīya-prabhāvavato’pi ko’yaṁ viṣāda iti vismayo vyañjitaḥ ||
Baladeva Vidyābhūṣaṇa
vaiṣṇavānandinī
kuśalaṁ pṛcchati—pārāśaryeti |
he mahā-bhāga! jñāna-balaiśvaryādy-ananta-svānubandhi-guṇa-nidhe! bhavatas tava śārīro-mānasaś ca ātmā kṛtāvatāra-kārya ātmanā tena tena svarūpeṇa parituṣyati | kaccid iti praśne |
kaccit syāt praśna-kāmyayoḥ iti halāyudhaḥ |
īśvarasya śarīra-manasor ātmā-bhedāc-chārīra ity-ādy-uktiḥ |
deha-dehi-bhidā caiva neśvare vidyate kvacit iti smṛteḥ |
ubhayatra svārthikaḥ prajñādyan |
sambodhanābhyām īdṛśasya te hṛd-vitāpo na yukta iti sūcyate ||
← 1.5.11.5.3 →