Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.5.1
← 1.4.331.5.2 →
sūta uvāca
atha taṁ sukham āsīna upāsīnaṁ bṛhac-chravāḥ |
devarṣiḥ prāha viprarṣiṁ vīṇā-pāṇiḥ smayann iva ||
Translation
— translation pending —
Commentary
Śrīdhara Svāmī
bhāvārtha-dīpikā
pañcame sarva-dharmebhyo hari-kīrtana-gauravam | vyāsa-citta-prasādāya nāradenopadiśyate ||*||
upa samīpe āsīnaṁ viprarṣiṁ vyāsam |
bahu-śravā mahā-yaśāḥ |
smayann īṣad dhasann ivety anena mukha-prasattir dyotyate |
yad vā ivety anadhikārārtham |
aho mahān api muhyatīti smayamānaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
pañcame jñāna-karmāder vaiyartham upapādayan | bhaktiṁ kīrtana-mukhyāṅgāṁ nāradas tam upādiśat ||*||
upāsīnam ātithyārtham āsanārghya-pādyādibhiḥ upāsanāṁ kurvantam evāha |
smayann iva oṣṭhādharābhyāṁ smitaṁ niṣkramayanniva sarvajñatayā taṁ pratyantaḥ-prasādam |
nānā-praśna-kautukārtham avahitthayā gopayitum aśaknuvann ity arthaḥ ||
Baladeva Vidyābhūṣaṇa
vaiṣṇavānandinī
rukṣasya jñāna-karmāder vaiphalyaṁ nārado vadan | bhakteḥ kīrtana-bhūyasyāḥ sāphalyaṁ prāha pañcame ||
athārghādy ānantaraṁ sukha-samāsīnaḥ bṛhac-chrava mahā-kīrtir devarṣis tam upāsīnaṁ sannidhisthaṁ viprarṣiṁ vyāsaṁ prāha, smayann iveti prasādaḥ sūcyate ||
← 1.4.331.5.2 →