Śrīmad Bhāgavatam 1.4.31

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.4.31

kiṁ vā bhāgavatā dharmā na prāyeṇa nirūpitāḥ |
priyāḥ paramahaṁsānāṁ ta eva hy acyuta-priyāḥ ||

Translation

— translation pending —

Commentary

Madhvācārya

bhāgavata-tātparyam

punar apekṣitatvān na prāyeṇa hi nirūpitāḥ | yathā tu bhārate devo na tathānyeṣu keṣucit | ucyate na tathāpīśaṁ jānanty ajñā janārdanam || ||

Śrīdhara Svāmī

bhāvārtha-dīpikā

asampattau hetuṁ svayam evāśaṅkate—kiṁ veti |

prāyeṇa bhūyastvena |

hi yasmāt ta eva dharmā acyutasya priyāḥ ||

Jīva Gosvāmī

krama-sandarbhaḥ

svayam api tathaivāha—priyā iti ||

31||

Viśvanātha Cakravartī

sārārtha-darśiṇī

asampattau hetuṁ svayam evāśaṅkate—kiṁ veti |

prāyeṇa bhūyastvena |

ta eva paramahaṁsā eva |

tatra bhāgavata-dharma-padena jñānaṁ vyākhyātuṁ na śakyate |

kintu bhaktir eva, nāmāny anantasya yaśo’ṅkitāni [bhā.pu. 1.5.11] iti, bharatānudita-prāyaṁ yaśo bhagavato’malaṁ [bhā.pu. 1.5.8] ity-ādeḥ |

tataś ca paramahaṁsa-padena bhaktā evocyante, na tu jñāninaḥ |

ataḥ pāramahaṁsī saṁhiteyaṁ śrī-bhāgavatam iti jñānibhir atra svatvaṁ nāropaṇīyam ||

Baladeva Vidyābhūṣaṇa

vaiṣṇavānandinī

asampannatve hetum āha—kiṁ veti |

prāyeṇeti karmādi-taulyena bhārate, sūtreṣu tu gūḍhatayaiva nirūpitāḥ |

tān dharmān stauti priyā iti |

tair vinā bhaktānāṁ hareś ca mayi prasādo nābhūd iti kuto mat-paritoṣaḥ? ||