Premabase · Śrīmad Bhāgavatam · Canto 1 · Chapter 4
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.4.19
← 1.4.16-181.4.20 →
cātur hotraṁ karma śuddhaṁ prajānāṁ vīkṣya vaidikam |
vyadadhād yajña-santatyai vedam ekaṁ catur vidham ||
Translation
— translation pending —
Commentary
Śrīdhara Svāmī
bhāvārtha-dīpikā
tataś ca hotropalakṣitāś catvāra ṛtvijaś catur hotāraḥ, tair anuṣṭheyaṁ karma cātur hotram |
śuddhaṁ śuddhi-karam |
yajña-santatyai yajñānām avicchedāya ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
tataś ca jñāna-yoga-bhakty-ayogyānāṁ sarvāsāṁ prajānāṁ karmaiva śuddhaṁ śuddhi-karaṁ ? kīdṛśaṁ hotā udgātā adhvaryur brahmeti catvāro’pi hotāraḥ, tair nirvṛttaṁ cāturhotram |yajñānāṁ satatyai avicchedāya ||
Baladeva Vidyābhūṣaṇa
vaiṣṇavānandinī
vyāsasya sarvahita-vidhānam āha—cāturhotram iti |
hotodgātādhvaryur brahmā ceti catvāro hotṛ-śabdena lakṣyante, caturbhir hotṛbhir nivṛttaṁ cāturhotraṁ tad-vaidikaṁ karma prajānāṁ jñāna-bhakty ayogyānāṁ śuddhaṁ hṛd-viśodhakaṁ vīkṣya vedam ekaṁ catur vidhaṁ vyadadhāt, yajña-santatyai tad avicchedāya ||
← 1.4.16-181.4.20 →