Premabase · Śrīmad Bhāgavatam · Canto 1 · Chapter 4
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.4.16-18
← 1.4.151.4.19 →
parāvara-jñaḥ sa ṛṣiḥ kālenāvyakta-raṁhasā |
yuga-dharma-vyatikaraṁ prāptaṁ bhuvi yuge yuge ||
bhautikānāṁ ca bhāvānāṁ śakti-hrāsaṁ ca tat-kṛtam |
aśraddadhānān niḥsattvān durmedhān hrasitāyuṣaḥ ||
durbhagāṁś ca janān vīkṣya munir divyena cakṣuṣā |
sarva-varṇāśramāṇāṁ yad dadhyau hitam amogha-dṛk ||
Translation
— translation pending —
Commentary
Madhvācārya
bhāgavata-tātparyam
nitya-jñānasya cid-dṛṣṭir loka-dṛṣṭi-vyāpekṣayā | sarvajño’py ajñavad devaḥ sarva-śaktir aśaktavat | pratyāpayati lokānām ajñānaṁ mohanāya ca ||
Śrīdhara Svāmī
bhāvārtha-dīpikā
tatra ca sa ṛṣir yuga-dharma-vyatikarādikaṁ vīkṣya sarva-varṇāśramāṇāṁ yad dhitaṁ tad dadhyāv iti tṛtīyenānvayaḥ |
parāvara-jño’ tītānāgata-vit |
avyaktaṁ raṁho vego yasya tena kālena yuga-dharmāṇāṁ vyatikaraṁ saṅkaraṁ prāptaṁ vīkṣya |
tathā bhuvi yuge yuge ||
bhautikānāṁ bhāvānāṁ śarīrādīnām |
tat-kṛtaṁ kāla-kṛtam |
niḥsattvān dhairya-śūnyān |
durmedhān manda-matīn ||
Jīva Gosvāmī
krama-sandarbhaḥ
parāvarajña iti trikam |
|
16||
Viśvanātha Cakravartī
sārārtha-darśiṇī
parāvarajña atītān āgata-vijñaḥ yuga-dharmāṇāṁ vyatikaraṁ kālena nāśam |
bhautikānāṁ śarīrādīnāṁ tat-kṛtaṁ kāla-kṛtaṁ niḥsattvān rajas-tamo-mayān ||
16-18||
Baladeva Vidyābhūṣaṇa
vaiṣṇavānandinī
parāvarajño bhūta-bhaviṣyadvit, tatrāsīnaḥ kālena bhuvi yuge yuge yuga-dharmāṇāṁ vyatikaraṁ sāṅkaṁ prāptaṁ vīkṣya sarva-varṇāśramāṇāṁ yad-dhitaṁ tad-dadhyāv iti pareṇānvayaḥ ||
bhāvānāṁ śarīr ādīnāṁ tat-kṛtaṁ kāla-racitaṁ, niḥsattvān dhairyahīnan |
durmedhān manda-buddhīn ||
durbhagān bhāgya-śūnyān ||
← 1.4.151.4.19 →