Premabase · Śrīmad Bhāgavatam · Canto 1 · Chapter 4
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.4.12
← 1.4.111.4.13 →
śivāya lokasya bhavāya bhūtaye
ya uttama-śloka-parāyaṇā janāḥ |
jīvanti nātmārtham asau parāśrayaṁ
mumoca nirvidya kutaḥ kalevaram ||
Translation
— translation pending —
Commentary
Śrīdhara Svāmī
bhāvārtha-dīpikā
viraktasya kiṁ dhanādibhir iti cet tatrāha—śivāyeti |
lokasya śivāya bhavāya samṛddhyai bhūtaye aiśvaryāya ca te jīvanti, na tv ātmārtham |
evaṁ saty asau rājā nirvidya virajyāpi pareṣām āśrayaṁ kalevaraṅkuto hetor mumoca |
na hi paropajīvanaṁ svayaṁ tyaktum ucitam ity arthaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
lokasya śivāya maṅgalāya, tad eva dvidhā-bhūtaṁ vivṛṇoti |
bhavāya bhavaḥ saṁsāras tan nivṛttyai maśakāya dhūma itivat |
yad vā, bhavaṁ saṁhartuṁ kriyārthopapadasyety ādinā caturthī |
bhūtaye sampattyai parāśrayaṁ pareṣām upakāri |
na hi paropajīvyaṁ vastu nirvidyāpi tyaktum ucitam iti bhāvaḥ ||
Baladeva Vidyābhūṣaṇa
vaiṣṇavānandinī
nanu viraktasya dhanādibhiḥ kiṁ? tatrāha—śivāya maṅgalāya |
dvidhā-bhūtaṁ tad-vivṛṇoti—bhavāya jñāna-bhakti-samṛddhaye, bhūtaye aiśvaryāya ca, parāśrayaṁ paropakāri kalevaraṁ, na hy etādṛg vastu nirvidyāpi moktuṁ yuktam iti bhāvaḥ ||
← 1.4.111.4.13 →