Premabase · Śrīmad Bhāgavatam · Canto 1 · Chapter 3
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.3.44
← 1.3.431.4.1 →
tatra kīrtayato viprā viprarṣer bhūri-tejasaḥ |
ahaṁ cādhyagamaṁ tatra niviṣṭas tad-anugrahāt |
so’haṁ vaḥ śrāvayiṣyāmi yathādhītaṁ yathā-mati ||
Translation
— translation pending —
Commentary
Śrīdhara Svāmī
bhāvārtha-dīpikā
adhyagamaṁ jñātavān asmi |
tatra kīrtayatas tatra niviṣṭa iti cānvaya-bhedāt tatra-padāvṛttir adoṣaḥ |
yathādhītaṁ natu sva-mati-vilasitam |
tatrāpi yathāmati svamaty-anusāreṇa |
saṅkṣepataḥ kathitaṁ vistarataḥ śrāvayiṣyāmi ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
tatra sabhāyāṁ kīrtayato viprarṣeḥ śukadevāt sakāśāt adhyāgamam idaṁ śāstram adhigatavān asmi tasyānugraham avāpya tatra sabhaika-deśe niviṣṭa etāṁ vakṣaty asau sūta iti dvādaśokteḥ |
yathādhītaṁ na tu sva-kapola-kalpitaṁ tatrāpi yathā-mati sva-buddhyā yāvad avadhṛtaṁ tāvad eva sarvam artha-jātaṁ tu sa eva śukadevo vedeti bhāvaḥ ||
iti sārārtha-darśinyāṁ harṣiṇyāṁ bhakta-cetasām |
tṛtīyaḥ prathame’dhyāyaḥ saṅgataḥ saṅgataḥ satām ||
*||
Baladeva Vidyābhūṣaṇa
vaiṣṇavānandinī
tatra sadasi śrī-bhāgavataṁ kīrtayato viprarṣeḥ śrīśukāt, bhūritejasaḥ hṛd-vibhāta-kṛṣṇoc-chalita-dīpti-puñjāt tejo dīptau prabhāve ca iti medinī |
tatra sadasi tat-prānte tad anugrahān-niviṣṭaḥ etāṁ vakṣyatyasau sūta iti vakṣyati |
yathādhītaṁ na tu svakapola-kalpitaṁ, yathāmatīti saṅkṣepāt kathitaṁ-vistīrya śrāvayaiṣyāmi |
tatra kīrtayas tatra niviṣṭa ity anvaya-bhedān na doṣaḥ ||
pāramahaṁsyaṁ saṁhitāyāṁ vaiyāsikyāṁ prathama-skandhe naimiṣīyopākhyāne janma-guhyaṁ nāma tṛtīyo’dhyāyaḥ | ||1.3||
(1.4)
← 1.3.431.4.1 →