Śrīmad Bhāgavatam 1.4.1

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.4.1

vyāsa uvāca

iti bruvāṇaṁ saṁstūya munīnāṁ dīrgha-satriṇām |
vṛddhaḥ kula-patiḥ sūtaṁ bahvṛcaḥ śaunako’bravīt ||

Translation

— translation pending —

Commentary

Śrīdhara Svāmī

bhāvārtha-dīpikā

turye bhāgavatārambha-kāraṇatvena varṇyate | vyāsasyāparitoṣas tu tapaḥ-pravacanādibhiḥ ||

ity evaṁ prasannatayā śrāvayiṣyām iti bruvānam |

munīnāṁ bahūnāṁ mahdye ekena vaktavye yo vṛddho vṛddheṣv api bahuṣu yaḥ kula-patir gaṇa-mukhyas teṣv api bahuṣu yo bahv-rcaḥ ṛg-vedī tena vaktavyam |

ata evaṁ-bhūtatvāc chaunako’bravīt ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

turye‘sya śāstra-varyasya vaktuḥ śrotuś ca sarvataḥ | śraiṣṭhyaṁ vyāsa-prasādaś ca kathyate yad vinaiva hi ||

vṛddhau vayasā kula-patir iti kulena ca bahvṛca iti vedābhyāsotthena jñānena ceti śaunaka eva praśna-kartṛtvena tair vyavasthāpita iti bhāvaḥ ||

Baladeva Vidyābhūṣaṇa

vaiṣṇavānandinī

caturthe tv asya śāstrasya vaktṛ-śrotror variṣṭhatā | vyāsasya hṛd-vitāpaś ca yad-vineti prakīrtyate ||

ity evaṁ prasannatayā vaḥ śrāvayiṣyāmīti bruvāṇaṁ sūtaṁ |

munīnāṁ madhye ekena vaktavye yo vṛddhaḥ, vṛddheṣv api yaḥ kulapatiḥ, kulapatiṣv api yo bahvṛcaḥ ṛgvedī tena vaktavyam |

īdṛśatvāc-chaunako'vravīt ||