aho! sūta kim idam atimanojñam aśratacaraṁ śāstraṁ kathayasi? tatrāha—idam iti |
brahma-sammitaṁ kṛṣṇa-tulyam |
artho'yaṁ brahma-sūtrāṇāṁ bhāratārtha-vinirṇayaḥ | gāyatrī-bhāṣya-rūpo'sau vedārtha-paribṛṁhitaḥ ||
purāṇānāṁ sāma-rūpaḥ sākṣād-bhagavatoditaḥ | dvādaśa-skandha-yukto'yaṁ śata-viccheda-saṁyutaḥ ||
granthe'ṣṭādaśa-sahasraḥ śrīmad-bhāgavatābhidhaḥ ||
iti mātsye [53.20, 22-23] ca—
yatrādhikṛtya gāyatrīṁ varṇyate dharma-vistaraḥ | vṛtrāsura-vadhopetaṁ tad-bhāgavatamiṣyate | likhitvā tac ca yo dadyād-dhemasiṁha-samanvitam | prauṣṭha-padyāṁ paurṇamāsyāṁ sa yāti paramāṁ gatim ||
aṣṭādaśa sahasrāṇi purāṇaṁ tat prakīrtitam ||
granthe 'ṣṭādaśa-sāhasro dvādaśa-skandha-sanmitaḥ | hayagrīva-brahma-vidyā yatra vṛtravadhas tathā ||
gāyatryā ca samārambhas tad vai bhāgavataṁ viduḥ ||
ambarīṣa-śuka-proktaṁ nityaṁ bhāgavataṁ śṛṇu | paṭhasva svam ukhenaiva yad īcchasi bhavakṣayam iti |
evam anyatra bahu draṣṭavyam |
cakāra prakaṭayāmāsa samuddhratam ity ukteḥ |
ṛṣiḥ pārāśaryaḥ dhanyam akiñcana bhakta-vaśakartṛ, dhana-gaṇaṁ labdha iti sūtrāt ||