Premabase · Śrīmad Bhāgavatam · Canto 1 · Chapter 3
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.3.41
← 1.3.401.3.42 →
tad idaṁ grāhayām āsasutam ātmavatāṁ varam |
sarva-vedetihāsānāṁ sāraṁ sāraṁ samuddhṛtam ||
Translation
— translation pending —
Commentary
Śrīdhara Svāmī
bhāvārtha-dīpikā
tat-saṁpradāya-pravṛttim āha—tad idam iti |
sutaṁ śukam ||
41|
Jīva Gosvāmī
krama-sandarbhaḥ
tad idaṁ tal-līlā-mayaṁ mahā-purāṇaṁ brahmānubhavi-guruṇā śrī-śukenāpy upādeyatvena gṛhītam iti |
evaṁ janmāni karmāṇi [bhā.pu. 1.3.35] ity asyodāharaṇatvenāha—tad idam iti |
vakṣyate ca—pariṇiṣṭhito’pi nairguṇye [bhā.pu. 2.1.9] ity-ādi |
hitvā sva-śiṣyān pailādīn [bhā.pu. 9.22.22] ity-ādi ca |
tasmāj janma-karma-līlāmayenānena—duḥkha-grāmād vimucyate [bhā.pu. 1.3.29] ity etāvan-mātraṁ kiṁ vaktavyam ? kintu tad-vidhānām api parama-puruṣārtha iti bhāvaḥ |
ata evāha—sarva-vedeti |
sarva-vedetihāsānāṁ samuddhṛto yaḥ sāras tad-rūpam iti ||
Viśvanātha Cakravartī
sārārtha-darśiṇī
dadhi-mathanād udbhūtaṁ navanītam iva yad vedādīnāṁ sāraṁ sāraṁ vastu tad evedaṁ śrī-bhāgavatākhyaṁ snehena sutaṁ śukaṁ grāhayāmāsa |
vedādi-dadhi-mathana-śramaṁ ca saphalīcakāreti bhāvaḥ |
ātmavatāṁ varam iti tādṛśo’pi sutaḥ svādādhikyenaivedaṁ lobhād gṛhṇāti smeti bhāvaḥ ||
Baladeva Vidyābhūṣaṇa
vaiṣṇavānandinī
tad iti—idaṁ sarvasāraṁ navanītam ivoddhṛtaṁ sutaṁ grāhayāmāsety uddharaṇa-śramaṁ saphalaṁ vyadhād iti bhāvaḥ |
ātmavatāṁ varam iti svātmānubhavānandād apy atisvādutvāt-tenātilobhādidaṁ parigṛhītam iti sūcyate ||
← 1.3.401.3.42 →