Premabase · Śrīmad Bhāgavatam · Canto 1 · Chapter 3
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.3.39
← 1.3.381.3.40 →
atheha dhanyā bhagavanta itthaṁ
yad vāsudeve’khila-loka-nāthe |
kurvanti sarvātmakam ātma-bhāvaṁ
na yatra bhūyaḥ parivarta ugraḥ ||
Translation
— translation pending —
Commentary
Śrīdhara Svāmī
bhāvārtha-dīpikā
bhakti-mārge pravṛttān ṛṣīn abhinandati—atheti |
yato bhakta eva bhagavat-tattvaṁ jānāti |
athāto bhagavantaḥ sarva-jñā bhavanto dhanyāḥ kṛtārthāḥ |
kutaḥ ? yad yasmād itthaṁ praśnair vāsudeve ātma-bhāvaṁ mano-vṛttiṁ kurvanti |
sarvātmakam aikāntikam |
yatra yasmin bhāve sati bhūyaḥ ugro garbha-vāsādi-duḥkha-rūpaḥ parivarto janma-maraṇādy-āvarto na bhavati ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
bhakti-vihīnā vayam evākṣepa-viṣayībhūtā bhavāmeti viṣīdataḥ śaunakādīn āha—atheheti |
bhagavantaḥ sarvajñāḥ vetti vidyām avidyāṁ ca sa vācyo bhagavān iti vaiṣṇava-nirukteḥ sarvātmakam aikāntikam ātmano manaso bhāvaṁ yatra sati parivarto janma-maraṇādy-āvartaḥ ||
Baladeva Vidyābhūṣaṇa
vaiṣṇavānandinī
yathā mūyam iti dṛṣṭānta-bhāvenāha—atheti |
bhagavantaḥ sarvajñāḥ bhavantaḥ sarvātmakam aikāntikam ātmano manaso bhāvaṁ vṛttiṁ yatra bhāve sati ugraḥ parivarto janma-mṛtyu-rūpo bhūyo na bhavet ||
← 1.3.381.3.40 →