Śrīmad Bhāgavatam 1.3.10

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.3.10

pañcamaḥ kapilo nāma siddheśaḥ kāla-viplutam |
provācāsuraye sāṅkhyaṁ tattva-grāma-vinirṇayam ||

Translation

— translation pending —

Commentary

Madhvācārya

bhāgavata-tātparyam

tantraṁ sāṅkhyam |

vedānusāri |

pādme ca—

kapilo vāsudevākhyas tantraṁ sāṅkhyaṁ jagāda ha | brahmādibhyaś ca devebhyo bhṛgv-ādibhyas tathaiva ca ||

tathaivāsuraye sarva-vedārthair upabṛṁhitam | sarva-veda-viruddhaṁ ca kapilo’nyo jagāda ha |

sāṅkhyam āsuraye’nyasamai kutarka-paribṛṁhitam ||

iti ca ||

Śrīdhara Svāmī

bhāvārtha-dīpikā

kapilāvatāram āha—pañcama iti |

āsuraye tan-nāmne brāhmaṇāya |

tattvānāṁ grāmasya saṅghasya vinirṇayo yasmin śāstre tat sāṅkhyam ||

Jīva Gosvāmī

krama-sandarbhaḥ

pañcama iti āsuri-nāmne viprāya ||

Viśvanātha Cakravartī

sārārtha-darśiṇī

āsuraye tan-nāmne brāhmaṇāya ||

Baladeva Vidyābhūṣaṇa

vaiṣṇavānandinī

pañcama iti—āsuraye tan-nāme śiṣyāya ayaṁ kārdamir īśvaraḥ nirīśvara-sāṅkhya-pravaktā tv agni-vaṁśodbhavo jīva eva durmatir iti pādmād vijñeyam ||