Premabase · Śrīmad Bhāgavatam · Canto 1 · Chapter 3
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.3.5
← 1.3.41.3.6 →
etan nānāvatārāṇāṁ nidhānaṁ bījam avyayam |
yasyāṁśāṁśena sṛjyante deva-tiryaṅ-narādayaḥ ||
Translation
— translation pending —
Commentary
Madhvācārya
bhāgavata-tātparyam
nidhānam atraikībhavanty antata iti |
aṁśāṁśena sāmarthyaika-deśena |
brāhme ca yac-chaktyaikaṁ ca sambhūtaṁ jagad etac carācaram iti ||
Śrīdhara Svāmī
bhāvārtha-dīpikā
etat tu kūṭa-sthaṁ, na tv anyāvatāravad āvirbhāva-tirobhāvavad ity āha—etad iti |
etad-ādi nārāyaṇa-rūpam |
nidhīyate’smninn iti nidhānam, kāryāvasāne praveśa-sthānam ity arthaḥ |
bījam udgama-sthānam |
bījatve’pi nānya-bīja-tulyaṁ kiṁ tv avyayam |
na kevalam avatārāṇām eva bījaṁ, kiṁ tu sarva-prāṇinām apīty āha |
yasyāṁśo brahmā, tasya aṁśo marīcy-ādiḥ, tena ||
Jīva Gosvāmī
krama-sandarbhaḥ
tatra śrī-bhagavantaṁ suṣṭhu spaṣṭīkartuṁ garbhodaka-sthasya dvitīyasya puruṣasya vyūhasya nānāvatāritvaṁ vivṛṇoti—etad iti |
brahmāṇḍastham ity arthaḥ |
nidhānaṁ sāgarāṇāṁ samudra iva sadaivāśrayaḥ |
ata evāvyayam anapakṣayam |
bījam udgama-sthānam |
na kevalam avatārāṇāṁ bījaṁ jagato’pīty āha yasyāṁśāṁśeneti ||
Viśvanātha Cakravartī
sārārtha-darśiṇī
ṣoḍaśa-kalatvena yat pūrṇatvam uktaṁ tad darśayati—etad iti |
bījatve’pi nānā-bīja-tulyaṁ kintu nidhānaṁ nidhir aṁśībhūtam ity arthaḥ |
vakṣyamāṇā avatārā etasyāṁśā iti bhāvaḥ |
na vyatīty-avyayaṁ nityaṁ yasyāṁśo brahmā tasyāṁśo marīcy-ādis teneti |
devādayo vibhūtaya uktāḥ ||
Baladeva Vidyābhūṣaṇa
vaiṣṇavānandinī
etad-rūpaṁ vakṣyamāṇānām avatāraṇām avatārīty āha—etad iti |
nidhānam aṁśi, bījatve'pi nānya-bīja-tulyam ity āha—avyayaṁ nityaṁ, yasyāṁśo virañcis tasyāṁśo |
marīcyādis teneti devādayo |
vibhūtayaḥ sṛjyante—iti dvitīyaḥ puruṣaḥ pradyumno'yaṁ garbhodaśayaḥ |
yas tu prāk sattvaṁ rajas tamaḥ iti padye harir uktaḥ, sa khalu tṛtīyaḥ puruṣo'niruddho |
bodhyaḥ |
eyāṁ eyāṇāṁ saṅkarṣaṇāditvaṁ brahma-saṁhitāyāṁ vyaktaṁ—prathamaḥ prakṛter antaryāmī, dvitīyo virañceḥ, tṛtīyas tu prādeśa-mātraḥ sannasmadādijīvānām iti jñeyam |
puruṣa-sañjñatvañ ca sātvata-tantre—
viṣṇos tu trīṇi rūpāṇi puruṣākhyānyatho viduḥ | ekan tu mahataḥ sraṣṭra dvitīyantv aṇḍa-saṁsthitam | tṛtīyaṁ sarva-bhūtasthaṁ tāni jñātvā vimucyate ||
nanu nārāyaṇīye [śānti-parva 339.72-74] paṭhyate—
asman-mūrtiś caturthī yā sāsṛjac-cheṣavy ayam | sa hi saṅkarṣaṇaḥ proktaḥ pradyumnaṁ so'py ajījanat | pradyumnāc-cāniruddho'haṁ sargo mama punaḥ punaḥ | aniruddhāt-tathā brahmā tan-nābhikamalodbhavaḥ |
aniruddho hi lokānāṁ mahānatmeti kathyate |
yo'sau vyaktatvam āpanno nirmame ca pitāmaham |
[śānti-parva 340.30-31] iti ca |
atrāniruddhād-virañcer janma yad ucyate, tat-tu tasya pradyumnābhedenaiva saṅgamanīyam, anyathā yas tāmbhasi ity etad-vyākupyet ||
← 1.3.41.3.6 →