Premabase · Śrīmad Bhāgavatam · Canto 1 · Chapter 3
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.3.4
← 1.3.31.3.5 →
paśyanty ado rūpam adabhra-cakṣuṣā
sahasra-pādoru-bhujānanādbhutam |
sahasra-mūrdha-śravaṇākṣi-nāsikaṁ
sahasra-mauly-ambara-kuṇḍalollasat ||
Translation
— translation pending —
Commentary
Śrīdhara Svāmī
bhāvārtha-dīpikā
etac ca yogināṁ pratyakṣam āha—paśyantīti |
adabhram analpaṁ jñānātmakaṁ yac cakṣus tena |
sahasram aparimitāni yāni pādādīni tair udbhutam |
sahasraṁ mūrdhādayo yasmiṁs tat |
sahasraṁ yāni mauly-ādīni tair ullasac chobhamānam ||
Jīva Gosvāmī
krama-sandarbhaḥ
tad evaṁ puruṣasya dvidhā sthāna-karmaṇī uktvā svarūpavad ākāraṁ tv eka-prakāram āha—-paśyantīti |
adaḥ pauruṣa-rūpam adabhra-cakṣuṣā bhakty-ākhyena |
puruṣaḥ sa paraḥ pārtha bhaktyā labhyas tv ananyayā [gītā. 8.22] ity ukteḥ |
bhaktir evainaṁ nayati, bhaktir evainaṁ darśayati ity-ādi śruteś ca |
tatra prathama-puruṣasya sahasra-pādāditvaṁ paramātma-sandarbhe vyañjitam |
tṛtīyasyāṣṭame tu dvitīyaṁ puruṣa-vyūham upalakṣya—veṇu-bhujāṅghripāṅghreḥ [bhā.pu. 3.8.24] iti, dor daṇḍa-sahasra-śākhaṁ [bhā.pu. 3.8.29] iti, kirīṭa-sāhasra-hiraṇya-śṛṅgaṁ [bhā.pu. 3.8.30] iti ca |
tathā navamasya caturdaśe śrī-śukena—
sahasra-śirasaḥ puṁso nābhi-hrada-saroruhāt | jātasyāsīt suto dhātur atriḥ pitṛ-samo guṇaiḥ ||
[bhā.pu. 9.14.2]
Viśvanātha Cakravartī
sārārtha-darśiṇī
etac ca bhakti-siddhānāṁ pratyakṣam ity āha—paśyantīti |
adabhram analpam aprākṛtaṁ yac cakṣus tena ||
Baladeva Vidyābhūṣaṇa
vaiṣṇavānandinī
etac ca rūpaṁ bhaktyā siddhānāṁ cākṣuṣañcety āha—paśyanta iti adabhraman alpaṁ yad-bhakti-saṁskṛtaṁ cakṣus tena |
maulayaḥ śiro'vataṁsāḥ |
sphuṭam anyat ||
← 1.3.31.3.5 →