citaḥ saprakṛteḥ bahvakajartham .

citaḥ saprakṛteḥ iti vaktavyam .

kim prayojanam .

bahvakajartham .

bahujartham akajartham ca .

bahujartham tāvat .

bahubhuktam , bahukṛtam .

akajartham .

sarvakaiḥ , viśvakaiḥ , uccakaiḥ , nīcakaiḥ , sarvake , viśvake .

tat tarhi vaktavyam .

na vaktavyam .

matublopaḥ atra draṣṭavyaḥ .

tat yathā puṣyakāḥ eṣām puṣyakāḥ kālakāḥ eṣām kālakāḥ iti .

atha vā akāraḥ matvarthīyaḥ .

tat yathā tundaḥ , ghāṭaḥ iti .

pūrvasūtranirdeśaḥ ca citvān citaḥ iti .