yaññyau añaḥ pūrvavipratiṣiddham sanaṅgūpānahau prayojanam .

yaññyau bhavataḥ añaḥ pūrvavipratiṣedhena .

kim prayojanam ṣanaṅgūpānahau prayojanam .

yataḥ avakāśaḥ śaṅkavyam dāru picavyaḥ kārpāsaḥ .

añaḥ avakāśaḥ vārdhram vāratram .

sanaṅguḥ nāma carmavikāraḥ .

tasmāt ubhayam prāpnoti .

sanaṅgavyam carma .

ñyasya avakāśaḥ aupānahyam dāru .

añaḥ saḥ eva .

upānat nāma carmavikāraḥ .

tasmāt ubhayam prāpnoti .

aupānahyam carma .

ḍhañ ca .

ḍhañ ca bhavati añaḥ pūrvavipratiṣedhena .

ḍhañaḥ avakāśaḥ chādiṣeyam tṛṇam .

añaḥ saḥ eva .

chadiḥ nām carmavikāraḥ .

tasmāt ubhayam prāpnoti .

chādiṣeyam carma .

ḍhañ bhavati pūrvavipratiṣedhena .

havirapūpādibhyaḥ vibhāṣāyāḥ yat .

havirapūpādibhyaḥ vibhāṣāyāḥ yat bhavati pūrvavipratiṣedhena .

havirapūpādibhyaḥ vibhāṣāyāḥ avakāśaḥ āmikṣyam āmikṣīyam puroḍāśyam puroḍāśīyam .

yataḥ saḥ eva .

iha ubhayam prāpnoti .

caravyāḥ taṇḍulāḥ .

yat bhavati pūrvavipratiṣedhena .

annavikārebhyaḥ ca .

annavikārebhyaḥ ca vibhāṣāyāḥ yat bhavati pūrvavipratiṣedhena .

annavikārebhyaḥ ca vibhāṣāyāḥ avakāśaḥ suryāḥ surīyāḥ .

yataḥ saḥ eva .

iha ubhayam prāpnoti .

saktavyāḥ dhānāḥ iti .

yat bhavati pūrvavipratiṣedhena .

saḥ tarhi pūrvavipratiṣedhaḥ vaktavyaḥ .

na vaktavyaḥ .

iṣṭavācī paraśabdaḥ .

vipratiṣedhe param yat iṣṭam tat bhavati iti .