tasya idam iti apatye api .

tasya idam iti apatye api aṇ siddhaḥ .

tasyedaṃviśeṣāḥ hi ete apatyam samūhaḥ vikāraḥ tasya nivāsaḥ iti .

kim artham tarhi idam ucyate .

bādhanārtham kṛtam bhavet .

ye tasya bādhakāḥ tadbādhanārtham .

katham punaḥ aśaiṣikaḥ śaiṣikam bādheta .

utsargaḥ śeṣaḥ eva asau .

yaḥ hi utsargaḥ saḥ api śeṣaḥ eva .

atha etasmin bādhakabādhane sati kim prayojanam .

vṛddhāni asya prayojanam .

vṛddhāni prayojayanti .

bhānoḥ apatyam bhānavaḥ .

śyāmagoḥ apatyam śyāmagavaḥ .

katham punaḥ icchatā api apavādaḥ prāpnuvan śakyaḥ bādhitum .

tasyagrahaṇasāmarthyāt .

kim idam bhavān adhyāruhya tasyagrahaṇasya eva prayojanam āha na punaḥ sarvasya eva yogasya .

avaśyam uttarātham arthanirdeśaḥ kartavyaḥ .

samarthavibhaktiḥ api tarhi avaśyam uttarārtham pratinirdeṣṭavyā .

evam tarhi yogavibhāgakaraṇasāmarthyāt .

itarathā hi tasya apatyam ataḥ iñ bhavati iti eva brūyāt .