rūpagrahaṇam kim artham na svam śabdasya aśabdasañjñā bhavati iti eva rūpam śabasya sañjñā bhaviṣyati .

na hi anyat svam śabdasya asti anyat ataḥ rūpāt .

evam tarhi siddhe sati yat rūpagrahaṇam karoti tat jñāpayati ācāryaḥ asti anyat rūpāt svam śabdasya iti .

kim punaḥ tat .

arthaḥ .

kim etasya jñāpane prayojanam .

arthavadgrahaṇe na anarthakasya iti eṣā paribhāṣā na kartavyā bhavati .