yamunā-jala-keliḥ, yathā—
vyātyukṣī-yudhi rādhayā ghana-rasaiḥ paryukṣyamāṇasya te
mālyaṁ bhaṅgam avāpa vīra tilako yātaḥ kilādṛśyatām |
vaktrendau pratimā-cchalena śaraṇaṁ labdhaḥ sakhīṁ kaustubhas
tan mā bhūś cakito vimukta-cikuraṁ nārdaty asau tvad-vidham ||
Translation
Commentary
Jīva Gosvāmī
Locana-rocanī
Viśvanātha Cakravartī
Ānanda-candrikā
viśākhā śrī-kṛṣṇam āha—vyātyukṣī-yudhi paraspara-jala-seka-yuddhe ghanarasair vyātyukṣī-yudhi ghanarasaiḥ paryukṣamānasyeti kākākṣi-golaka-nyāyenānvaye ghanarasair jalair niviḍa-rasair iti śleṣo ghaṭate |
pratimā pratibimbaṁ nārdati na pīḍayati ||
Viṣṇudāsa
Svātma-pramodinī
vyātyukṣīti raho-vihārānantaraṁ jala-krīḍām ārabdhavatoḥ rādhā-kṛṣṇayoḥ satoḥ lalitā śrī-rādhāyā jalam ālocya śrī-kṛṣṇaṁ prati solluṇṭham āha |
vīra he vikrānteti tavaitādṛśaḥ parājayo mat-sakhīto