kṛtāparādhasya nāyakasya nāyikāṁ prati bhayaṁ syāt |
nāyikāyās tv aparādhe tasminn īrṣyā syāt |
tad-ubhaya-hetuko nāyikā-nāyakayor māno nāma rasaḥ syāt |
tatra ca bhayasya kāraṇaṁ snehaḥ |
īrṣyāyāḥ kāraṇaṁ praṇayaḥ ity āha—sneham iti |
snehaṁ nāyikā-viṣayakaṁ cittārdrī-bhāvaṁ vinā nāyakasya bhayaṁ na syāt |
praṇayaṁ nāyaka-viṣayaṁ sakhyaṁ vinā nāyikāyā īrṣyā na syāt ||