govardhane dāna-ghaṭṭe tiṣṭhantaṁ śrī-kṛṣṇaṁ dūrād ālokayantī śrī-rādhā vṛndām āha—prapannaḥ prāptaḥ |
kintv asyāyam adyatano madhurimā apūrvo’dbhutaḥ |
madhurimāṇam eva vivṛṇoti—ekasyāṅgasya hasta-pādādeḥ pratīka ekasminn apy avayave’ṅguly-ādau yā śrīḥ śobhā sphurati, tasyāḥ śriyo lavam api, ekaṁ leśam api |
aṅgaṁ pratīko’vayavo’paghanaḥ ity amaraḥ |
atra tadīya-madhurimṇo muhur anubhūtasyāpy ananubhūtatva-bhāna-samarpako yo’titṛṣṇā-viśeṣaḥ so’yam anurāgaḥ ||