rāsāntardhānānantaraṁ śrī-kṛṣṇam ālokayantyāś candrāvalyāś ceṣṭitaṁ śrī-śuko varṇayati—karāmbujaṁ jagṛhe iti viśrambhataḥ |
añjalineti tatra vinayaḥ |
mānas tu dākṣiṇyād aspaṣṭo vartata eva—īṣat-kupitā babhāṣire [bhā.pu. 10.32.15] ity agre vyaktībhāvād iti |
citta-dravas tu tad-darśana-janyo gamyaḥ |
atra padye prathamā candrāvalī, dvitīyā śyāmalā śrī-vaiṣṇava-toṣaṇy-ukta-yuktyā jñeyā |
aṁsaṁ tad-bāhuṁ tena kṣiptaṁ dadhārovāhety atra vinayasya vyakty-abhāvāt ||