Premabase · Ujjvala-nīlamaṇi · Prakaraṇa 14
Show
SanskritHindiEnglish
Script
IASTदेवनागरीবাংলা
Commentary
JīvaViśvanāthaViṣṇudāsa
UN 14.68
← 14.66-6714.69-70 →
tatra prauḍhaḥ— / yathā—
gatvā brūhi nikuñja-sadmani sakhe khinnāṁ mama preyasīṁ
mā kālātyayam ākalayya kamale mayy apratītiṁ kṛthāḥ |
duṣṭaṁ dānavam atra gokula-śiraḥ-śūlaṁ cikitsann ahaṁ
drāg eṣa praṇayena pallava-mayīṁ labdho’smi śayyāṁ tava ||
Translation
— translation pending —
Commentary
Jīva Gosvāmī
Locana-rocanī
gatvā brūhīty-ādiṣu śrī-kṛṣṇa-premātra duṣṭa-dānava-kṛta-bādhatvādināpy anapagamāt |
asya varṇanaṁ tūddīpanārtham iti vyākhyātam eva |
līleyaṁ tv itthaṁ saṅgacchate, ariṣṭa-nāmā dānavo’yaṁ yadā mathurātaś calitum udyataḥ, tadaiva taṁ kuto’py avagatya tena kamalāṁ prati gatvā brūhīty-ādinā sandiṣṭam |
sā khalu pūrvaṁ tena datta-pratyāśāsīd iti ||
(61)
Viśvanātha Cakravartī
Ānanda-candrikā
kamalāṁ sandiśan śrī-kṛṣṇo madhumaṅgalaṁ praty āha—gatveti |
kālātyayam adya rajanyāḥ prathamāyām ābhyantara evāgamiṣyāmīti yan mayoktaṁ, tathaiva tvām abhisartum udyata eva, mayi sampraty ariṣṭāsura āyātaḥ |
ato’nena saha saṅgrāmādinā mamādya kālātikramo bhaved ity arthaḥ |
labdho’smīti bhaviṣyaty api bhūta-prayogaḥ, svāgamanasyātiśaighrya-vyañjakaḥ |
atra duṣṭa-dānava-kṛtasyāntarāyasyāgaṇanaṁ prema-lakṣaṇaṁ sva-vilamba-nibandhanasya kamalā-duḥkhasya svāsahyatvena madhumaṅgala-preṣaṇaṁ premṇaḥ prauḍhatva-lakṣaṇam ||
(61)
← 14.66-6714.69-70 →