Premabase · Ujjvala-nīlamaṇi · Prakaraṇa 14
Show
SanskritHindiEnglish
Script
IASTदेवनागरीবাংলা
Commentary
JīvaViśvanāthaViṣṇudāsa
UN 14.64
← 14.6314.65 →
yathā—
śape tubhyaṁ dharma-sthitim anusarantyā sakhi mayā
viśuddhām ugrābhir muhur api nirasto bhaṇitibhiḥ |
sa mugdhe śyāmātmā tyajati na hi me vartma bata māṁ
jagārāpad ghorā viracayatu śāstiṁ gṛha-patiḥ ||
Translation
— translation pending —
Commentary
Jīva Gosvāmī
Locana-rocanī
viśuddhāṁ dharma-sthitim ity anvayaḥ |
na tyajatīti muhur muhuḥ sphūrtiḥ sākṣātkāratayā vyañjitā ||
(58)
Viśvanātha Cakravartī
Ānanda-candrikā
prema-parīkṣaṇārthaṁ loka-dharmādibhyo bhīṣāyamāṇāṁ nāndīmukhīṁ prati pūrva-rāgavatī śrī-rādhā prāha—śape iti |
yadi tvaṁ me vakṣyamāṇaṁ vākyaṁ na pratyeṣīti bhāvaḥ |
viśuddhāṁ dharma-sthitiṁ dharma-maryādām anusarantyaiva mayā ity anvayaḥ |
ugrābhir api bhaṇitibhiḥ |
“aye lampaṭa ! yadi tvaṁ me kañcukīṁ spṛśasi, tadādhunaiva lajjām api tyaktvā phūtkṛtyāryāṁ vijñāpayiṣyāmi” iti vibhīṣikā-mayībhir api vāgbhir ity arthaḥ |
na tyajatīti muhur muhuḥ sphūrtiḥ sākṣātkāratayā pratītā, tasmād āpat kartrī māṁ jagāra gilitavatī |
atra gṛhapati-kartṛka-śānti-rūpa-prema-dhvaṁsa-kāraṇasya vidyamānatve’pi premā na dhvastaḥ |
tayogrābhir bhaṇitibhir nirasto’pīti śrī-kṛṣṇasyāpi svasmin premā vyañjitaḥ ||
(58)
← 14.6314.65 →