Premabase · Ujjvala-nīlamaṇi · Prakaraṇa 14
Show
SanskritHindiEnglish
Script
IASTदेवनागरीবাংলা
Commentary
JīvaViśvanāthaViṣṇudāsa
UN 14.51
← 14.5014.52 →
smāyāvaloka-lava-darśita-bhāva-hāri-
bhrū-maṇḍala-prahita-saurata-mantra-śauṇḍaiḥ |
patnyas tu ṣoḍaśa-sahasram anaṅga-bāṇair
yasyendriyaṁ vimathituṁ karaṇair na śekuḥ ||quoted · tathā hi tatraiva (10.61.4)—
Translation
— translation pending —
Commentary
Jīva Gosvāmī
Locana-rocanī
smāyeti |
ṣoḍaśa-sahasram api patnyo yasya śrī-kṛṣṇasya indriyaṁ mana-ādikaṁ vimathituṁ na śekuḥ |
kair ne śekuḥ ? karaṇair bhāva-hāvādi-ceṣṭitaiḥ |
kīdṛśaiḥ ? anaṅgasya kāmasya bāṇa-rūpaiḥ |
bāṇa-rūpatve’pi kīdṛśaiḥ ? smāyaṁ smitaṁ tad-yukto yo’valoka-lavaḥ, tena darśito yo bhāvo’bhiprāyaḥ, tena hārī hartuṁ samartho yo dhanū-rūpo bhrū-maṇḍalaḥ, tena prahitaiḥ | tathā sauratena surate niyuktena mantreṇa śauṇḍaiḥ pragalbhair apīti |
patnyas tv ity asmāt karaṇair ity atra tu-śabdasyānvayāt |
vi-śabdasya balāt karaṇais tu viśeṣeṇa mathituṁ na śekur iti labdhe yāvān tatra premāṁśaḥ, tāvad eva mathituṁ śekur iti labhyate ||
(45)
Viśvanātha Cakravartī
Ānanda-candrikā
śrī-śukaḥ siddhāntaṁ bodhayan śrī-parīkṣitam āha—smāyeti |
ṣoḍaśa-sahasram api patnyo yasya śrī-kṛṣṇasya indriyaṁ mana-ādikaṁ vimathituṁ na śekuḥ |
kair ne śekuḥ ? karaṇair bhāva-hāvādi-ceṣṭitaiḥ |
kīdṛśaiḥ ? anaṅgasya bāṇa-rūpaiḥ |
bāṇa-rūpatve’pi kīdṛśaiḥ ? smāyaṁ smitaṁ tad-yukto yo’valokana-lavaḥ, tena darśito yo bhāvo’bhiprāyaḥ, tena hāri mano-haraṇa-śīlaṁ yad bhrū-maṇḍalaṁ, tena prahitāḥ preṣitāḥ saurata-mantrāḥ surata-sambandhi-rahasya-yuktayaḥ, teṣu tat-prāpaṇeṣu śauṇḍaiḥ pravīṇaiḥ ||
(45)
← 14.5014.52 →