sahoṣyatām iti kubjāyā gṛham āgatya tayā saha krīḍitvā nija-gṛhāyāyiyāsuṁ śrī-kṛṣṇaṁ prati tasyāḥ prārthanā |
preṣṭheti sambhodya tasya sva-gṛhe vāsārhatvaṁ svasya ca tat-saṅga-tyāgānarhatvaṁ sūcayitvā punar apy utkaṇṭhayā tat-saṅga-tyāgāsahatvaṁ svasya prakaṭam eva nivedayati—notsaha iti |
ramasveti prakaṭam eva sambhogecchā-nidānatvam asyāṁ darśitam |
kintu amburuhekṣaṇeti tasya saundaryādi-sambandho’pi sambhogecchānugatatvena gauṇa-kāraṇatvenāvaśyam aṅgīkāryaḥ |
lakṣaṇe nidāna-śabdena mukhya-kāraṇatvokteḥ, nidānaṁ tv ādi-kāraṇam ity amaraḥ ||