Ujjvala-nīlamaṇi 14.36

Show

SanskritHindiEnglish

Script

IASTदेवनागरीবাংলা

Commentary

JīvaViśvanāthaViṣṇudāsa

UN 14.36

atha kṛṣṇa-niṣṭham—

kṛṣṇa-niṣṭhaṁ svarūpaṁ syād adaityaiḥ sugamaṁ janaiḥ ||

Translation

— translation pending —

Commentary

Jīva Gosvāmī

Locana-rocanī

kṛṣṇa-niṣṭhaṁ svarūpam iti sāmānyato lakṣitam api rase’smin viśeṣato’vagantavyam |

tarhi kathaṁ keṣāñcit tatra ratir udeti ? tatrāha—adaityair iti |

dvau bhūta-sargau loke’smin daiva āsura eva ca | viṣṇu-bhakti-paro daiva āsuras tad-viparyayaḥ || iti |

viṣṇu-dharmāgneyādy-anusāreṇa daitya-prakṛtibhyo’nyair iti bhāvaḥ |

nāhaṁ prakāśaḥ sarvasya yoga-māyā-samāvṛtaḥ [gītā 7.25] iti śrī-bhagavad-upaniṣadbhyaḥ ||

(31)

Viśvanātha Cakravartī

Ānanda-candrikā

etat svarūpaṁ śrī-kṛṣṇa evādhāre nitarāṁ tiṣṭhatīti kṛṣṇa-niṣṭhaṁ svarūpaṁ sva-draṣṭṛ-jana-mātra-raty-utpādako vastu-viśeṣaḥ |

tac cādaityair daitya-prakṛtibhyo’nyair janaiḥ sugamaṁ suprāpaṁ, daitya-prakṛtibhir duṣprāpaṁ pecakaiḥ sūrya-svarūpam ivety arthaḥ |

yad uktaṁ svayaṁ bhagavatā—

dvau bhūta-sargau loke’smin daiva āsura eva ca | viṣṇu-bhakti-paro daiva āsuras tad-viparyayaḥ ||

na māṁ duṣkṛtino mūḍhāḥ prapadyante narādhamāḥ | māyayāpahṛta-jñānā āsuraṁ bhāvam āśritāḥ ||

[gītā 7.15]

nāhaṁ prakāśaḥ sarvasya yoga-māyā-samāvṛtaḥ |

[gītā 7.25]