Premabase · Ujjvala-nīlamaṇi · Prakaraṇa 13
Show
SanskritHindiEnglish
Script
IASTदेवनागरीবাংলা
Commentary
JīvaViśvanāthaViṣṇudāsa
UN 13.32-33
← 13.3113.34 →
śaṅkā tu pravara-strīṇāṁ bhīrutvād bhaya-kṛd bhavet ||
vyaktiṁ gate mama rahasya-vinoda-vṛtte
ruṣṭo laghiṣṭha-hṛdayas tarasābhimanyuḥ |
rādhāṁ niruddhya sadane vinigūhante vā
hā hanta lambhayati vā yadu-rājadhānīm ||quoted · quoted
Translation
— translation pending —
Commentary
Jīva Gosvāmī
Locana-rocanī
tarhi kathaṁ śaṅkāyā evodāharaṇam atra kṛtaṁ ? tatrāha—śaṅkā tv iti |
śaṅkā tu bhayaṁ na vyabhicaraty eva pravara-strīṇāṁ tu viśeṣataḥ |
tat kathaṁ tad-vinodāhartavyam iti ||
32-33||
(31-32)
Viśvanātha Cakravartī
Ānanda-candrikā
atra śaṅkāyāḥ kāraṇam aparādhaḥ sa ca svakula-dharmollaṅghana-rūpaḥ, tathā bhayānaka-rasasya sthāyī yad bhayaṁ tasyāpi kāraṇam aparādhaḥ |
tad uktaṁ—bhayaṁ cittāticāñcalyaṁ mantu-ghorekṣaṇādibhiḥ iti |
tasmād bhayasya sāndratve sthāyitvam asāndratve śaṅkābhidhānatayā vyabhicāritvam iti bhedaḥ kalpyaḥ |
kiṁ cātra ? śaṅkā tv iti |
pravara-strīṇāṁ bhīrutvād dhetoḥ śaṅkā tu bhayakṛt bhayasya kartrī syāt |
prathamam asāndraṁ stokam eva bhayaṁ śaṅkā-rūpaṁ syāt |
tad eva lakṣaṇa-mātrata eva sāndraṁ bahulaṁ sat bhayānaka-rasasya sthāyi-bhāvo bhayaṁ syād ity arthaḥ ||
32||
(31) śrī-rādhā-veśa-dhāriṇaṁ subalaṁ sva-vadhūṁ jñātvā jaṭilayā śrī-kṛṣṇo’pi tat-sandarbham ajānan sānutāpam āha—vyaktim iti ||
33||
(32)
← 13.3113.34 →