mahābhāva-bhedasya mādanākhyasya nityāśrayatvāt śrī-rādhācetaneṣv api loba-dṛṣṭyā vaṁśyādiṣv īrṣyayā garvam utprekṣamāṇā laguḍīm ākṣipati |
namrā praṇatā na bhavatu tatra hetu-garbha-viśeṣaṇam—mukundasya śrī-kṛṣṇasya vaktraṁ mukham eva indus tasya yā mādhurī mādhuryam amṛtam ity arthaḥ |
tvaṁ tu durlabhas tasyā mādhuryā gandho’pi yasyās tathā-bhūtāpi kara-kamala eva nitya-sthitatvāt, stabdhatāṁ garvābhivyañjakaṁ stambhaṁ vṛthā vyartham eva vahasi bibharṣi ||