tad-grantha-kṛta evāhuḥ—paśyemeti |
he sakhi rukmiṇi kiṁ vyagrāsi ehi, kenacin miṣeṇa taṁ bhūyaḥ paśyema iti |
asmado dvayoś ca iti bahutvam |
he lampaṭe sakhi, kiṁ nija-dharmaṁ para-muṇḍe pātayasi |
svaṁ svayam eva spaṣṭaṁ paśyety avahitthayā śrī-kṛṣṇa-darśane prīty-abhāvaṁ vyañjayantī sā rukmiṇī prīteḥ karṇejapatāṁ sūcakatvaṁ gatāni prāptāni svara-vaikṛtāni kaṇṭha-svara-bhedān na vidāmbabhūva nānusandhatte sma |
sā vacasā sva-premāṇaṁ gopayāmāsa |
vacas tu tasyāḥ premāṇaṁ spaṣtayāmāsa iti sā paramāmarṣety arthaḥ |
karṇejapaḥ sūcakaḥ syāt ity amaraḥ |
uṣavid ity ādinā liṭyām ||