sa viṣṇurātaḥ parīkṣit-tasmai brahmarātāyātithaye śukāya śirasā saparyāṁ pūjām ājahāra |

sākṣāt-kandarpo'yam iti striyo, vikṣipto'yam ity arbhakāś cābudhāḥ amum anuvṛttā nivṛttāḥ |

munibhyo bhayenāpalāyanta |

sa ca pūjitaḥ muni-kartṛkā muni-karmikā ca praṇati-pariṣvaṅga-kṣema-praśnāḥ pūjā jātā yasya saḥ |

tena ca sarve munayas taṁ praṇemuḥ, tena cāśliṣṭāḥ pṛṣṭakṣemāś ca babhūvuḥ |

śrī-nārada-parāśara-bādarāyaṇādayas tu sāśraṁ sagad-gadam āśliṣya śiro jighrantaḥ kṣemaṁ papracchur ity arthaḥ |

sa ca tān vavande iti bodhyam |

īdṛśaḥ san mahati deśika-yogye āsane tadājñayā sarvābhyarthanayā copaviveśa |

so'ci lope cet pāda-pūraṇam iti sūtrāt sandhiḥ ||