Premabase · Śrīmad Bhāgavatam · Canto 1 · Chapter 18
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.18.44
← 1.18.431.18.45 →
tad adya naḥ pāpam upaity ananvayaṁ
yan naṣṭa-nāthasya vasor vilumpakāt |
parasparaṁ ghnanti śapanti vṛñjate
paśūn striyo’rthān puru-dasyavo janāḥ ||
Translation
— translation pending —
Commentary
Śrīdhara Svāmī
bhāvārtha-dīpikā
naṣṭonātho yasya lokasya tasya vasor vasuno dhanasya vilumpakād apahartuś corāder hetor yat pāpaṁ bhaviṣyati tad asmān nimittatvād asmān upaiṣyati |
ananvayaṁ saṁbandha-śūnyam eva |
tad eva pāpaṁ darśayati—parasparam iti |
śapanti paruṣaṁ vadanti |
paśv-ādīn vṛñjate’paharanti |
puru-dasyavaś cora-bahulāḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
naṣṭo nātho yasya tasya lokasya vasor vasuno dhanasya vilumpakād apahartuś caurād dhetor yat pāpaṁ bhaviṣyati tad asman-nimittatvād asmān upaiṣyati |
ananvayaṁ sambandha-śūnyam eva |
tad eva pāpaṁ darśayati—parasparam iti |
viśeṣam āha—vṛñjate apaharanti ||
Baladeva Vidyābhūṣaṇa
vaiṣṇavānandinī
naṣṭau nātho yasya tasya lokasya vasor vasuno dhanasya vilumpakād apahartuś caurād-dhetor yat pāpaṁ syāt-tatto'sman upaiti, asmad-dhetukatvād aṣmān āgataṁ viddhīty arthaḥ |
ananvayaṁ sākṣāt-sambandha-śūnyaṁ pāpam āha—purudasyavaḥ pracura-caurā janāḥ parasparaṁ ghnantīty-ādi śapanti niṣṭhuraṁ bhāṣambhe, bṛñjate'paharanti ||
← 1.18.431.18.45 →