Śrīmad Bhāgavatam 1.18.28

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.18.28

alabdha-tṛṇa-bhūmy-ādir asamprāptārghya-sūnṛtaḥ |
avajñātam ivātmānaṁ manyamānaś cukopa ha ||

Translation

— translation pending —

Commentary

Śrīdhara Svāmī

bhāvārtha-dīpikā

na labdhaṁ tṛṇaṁ tṛṇāsanaṁ bhūmy-ādy-upaveśa-sthānaṁ ca yena saḥ |

na saṁprāpto’rghaḥ sūnṛtaṁ priya-vacanaṁ ca yena saḥ ||

Jīva Gosvāmī

krama-sandarbhaḥ

alabdhety-ādi |

atra tasyedṛśa-bhāvo bhagavad-anugraha-mayaḥ śrī-bhagavad-icchayaiveti jñeyam, tasyaiva me’ghasya [bhā.pu. 1.19.14] ity-ādi-vakṣyamāṇāt ||

Viśvanātha Cakravartī

sārārtha-darśiṇī

alabdheti |

“mamātithyam anena kim api na kṛtam” iti cukopa ||

Baladeva Vidyābhūṣaṇa

vaiṣṇavānandinī

na labdhaṁ tṛṇam āsanāpa-bhūmir darśitaḥ sthalaṁ ca yena saḥ |

na prāpto'rghaḥ sūnṛtaṁ priya-vākyaṁ ca yena saḥ |

“mamātithyaṁ kim apy anena na kṛtam” ity ātmānam avajñātaṁ manyamānaś cukopa ||