Śrīmad Bhāgavatam 1.18.8

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanātha

ŚB 1.18.8

kiṁ nu bāleṣu śūreṇa kalinā dhīra-bhīruṇā |
apramattaḥ pramatteṣu yo vṛko nṛṣu vartate ||

Translation

— translation pending —

Commentary

Śrīdhara Svāmī

bhāvārtha-dīpikā

nanu doṣādhikyād dveṣa eva yuktaḥ, na, dhīreṣu tasyākiñcit-karatvād ity āha—kiṁ nv iti |

kiṁ nu tena bhavet |

bāleṣv adhīreṣu |

apramatto’vahitaḥ san yo vṛka iva vartate ||

Jīva Gosvāmī

krama-sandarbhaḥ

bāleṣu tad-abudheṣu |

dhīrās tatra budhāḥ |

tad-abudhatvād eva pramatteṣu ||

Viśvanātha Cakravartī

sārārtha-darśiṇī

anyo’pi rājño’bhiprāya āsīd ity āha—bāleṣv avivekeṣu śūreṇa kalinā kiṁ na kim apy aniṣṭam |

yato dhīreṣu vivekiṣu bhakta-janeṣu ca bhīruṇā |

bālakeṣveva vṛkaḥ śūraḥ ||