pūrvaṁ mado dayā-nāśakatvenokte’tra tu darva-dvārā tapo-nāśakatvena |
hiṁsāyāṁ krauryaṁ dayā-nāśakam iti jñeyam |
yadyapi sarvaṁ sarvatra saṁbhavati, tathāpi prādhānyenānṛtadīnāṁ dyūtādiṣu yathā-saṅkhyaṁ jñeyam |
dvādaśa-skandhe tu satyaṁ dayā tapo dānam iti pādā vibhor nṛpa [bhā.pu. 12.3.18] ity atra dāna-śabdena śaucam evoktam |
manaḥ-śuddhi-rūpatvād bhūtābhaya-dānasya |
tretāyāṁ dharma-pādānāṁ turyāṁśo hīyate śanaiḥ |
adharma-pādair anṛta-hiṁsāsantoṣa-vigrahaiḥ ||
[bhā.pu. 12.3.20]
ity atra cāsantoṣa-śabdena tasya hetur garvo lakṣyate |
vihraga-śabdena ca tad-dhetuḥ strī-saṅha ity avirodhaḥ ||