Śrīmad Bhāgavatam 1.17.1

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.17.1

sūta uvāca

tatra go-mithunaṁ rājā hanyamānam anāthavat |
daṇḍa-hastaṁ ca vṛṣalaṁ dadṛśe nṛpa-lāñchanam ||

Translation

— translation pending —

Commentary

Śrīdhara Svāmī

bhāvārtha-dīpikā

tataḥ saptadaśe rājñaḥ kaler nigraha ucyate | tasyaivaṁ vīryabhājo’pi vairāgyaṁ vaktum adbhutam ||

hanyamānaṁ tāḍyamānam ||

Jīva Gosvāmī

krama-sandarbhaḥ

tatraivākasmād vṛṣale samāgate rājāpi samāgata ity āha—tatreti ||

Viśvanātha Cakravartī

sārārtha-darśiṇī

parīkṣid-dharmayoḥ proktam ukti-pratyukti-kautukam | nigrahānugrahau rājñā kaleḥ saptadaśe tataḥ ||

hanyamānaṁ tāḍyamānam |

nṛpa-lāñchanam iti satya-tretā-dvāparādi-yuga-maryādānāṁ bhaṅge svātantrya-sūcakam ||

Baladeva Vidyābhūṣaṇa

vaiṣṇavānandinī

praśnottarāṇi citrāṇi parīkṣid-dharmayor dvayoḥ | kalau daṇḍadaye rājñety eṣā saptadaśe kathā ||

hanyamānaṁ tāḍyamānaṁ, nṛpasya lāñchanaṁ cihnaṁ mukuṭādi yasya tam iti satyādi-yuga-maryādā-vibhañjena svātantryaṁ vyajyate ||