Premabase · Śrīmad Bhāgavatam · Canto 1 · Chapter 16
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.16.26
← 1.16.251.16.27-30 →
dharaṇy uvāca
bhavān hi veda tat sarvaṁ yan māṁ dharmānupṛcchasi |
caturbhir vartase yena pādair loka-sukhāvahaiḥ ||
Translation
— translation pending —
Commentary
Śrīdhara Svāmī
bhāvārtha-dīpikā
bhavān jānāty eva tathāpi vakṣyāmīty āha |
yena hetu-bhūtena tvaṁ caturbhiḥ pādair vartase |
yatra ca satyādayo mahā-guṇā na viyanti (na kṣīyante sma) tena śrī-nivāsena rahitaṁ lokaṁ śocāmīti ṣaṣṭhenānvayaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
nanu yadyapy ahaṁ jānāmi tad api tvan-mukhāt śrotum icchāmīty ata āha—caturbhir iti |
yena hetu-bhūtena tvaṁ caturbhiḥ pādair vartase iti vartamāna-sāmīpye vartamāna-prayogaḥ |
tena śrīnivāsena rahitaṁ lokaṁ śocāmīti ṣaṣṭhenānvayaḥ ||
Baladeva Vidyābhūṣaṇa
vaiṣṇavānandinī
he dharma! yan-māṁ pṛcchati tat sarvaṁ bhavān veda, tathāpi tvan-mukhāt śrotavyam iti cet-tatrāha—yena rakṣakeṇa tvaṁ caturbhiḥ dayā-satya-tapaḥ-śocaiḥ pādair vartase'vartiṣṭhāḥ vartamāna-sāmīpye vartamānavad vā iti sūtraṁ, tena śrīnivāsena rahitaṁ lokaṁ śocāmīti ṣaṣṭhena sambandhaḥ ||
← 1.16.251.16.27-30 →