Śrīmad Bhāgavatam 1.16.8

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.16.8

na kaścin mriyate tāvad yāvad āsta ihāntakaḥ |
etad-arthaṁ hi bhagavān āhūtaḥ paramarṣibhiḥ |
aho nṛ-loke pīyeta hari-līlāmṛtaṁ vacaḥ ||

Translation

— translation pending —

Commentary

Madhvācārya

bhāgavata-tātparyam

etad-arthaṁ mṛtyur upahūtaḥ |

aho nr loke pīyeteti ||

Śrīdhara Svāmī

bhāvārtha-dīpikā

yo mṛtyuḥ sa iha satre śamitur idaṁ śāmitraṁ karma paśu-hiṁsanaṁ tad-artham upahūtaḥ |

tataḥ kim ? ata āha—na kaścid iti |

tato’pi kim ? ata āha—aho nṛ-loke hari-līlāmṛtaṁ vacaḥ pīyetetu etad-artham |

hari-līlaivāṁ yasmiṁs tat ||

Jīva Gosvāmī

krama-sandarbhaḥ

yāvad iha hari-kathāyām āste tāvad iha kaścin na mriyeta |

tac caiṣāṁ śrotṝṇāṁ maraṇa-nivāraṇa-kāraṇaṁ mṛtyv-āhvānaṁ nirvighna-hari-kathāmṛta-pānārtham evety āha—etad-artham iti ||

Viśvanātha Cakravartī

sārārtha-darśiṇī

tataḥ kim ? ata āha—na kaścid iti |

tato’pi kim ? ata āha—aho iti ||

Baladeva Vidyābhūṣaṇa

vaiṣṇavānandinī

tataḥ kim? ata āha—na kaścid iti ||