te sādhu-kṛta-sarvārthā jñātvātyantikam ātmanaḥ | manasā dhārayāmāsur vaikuṇṭha-caraṇāmbujam ||
Translation
— translation pending —
Commentary
Śrīdhara Svāmī
bhāvārtha-dīpikā
sādhu samyak kṛtāḥsarve’rthā dharmādayo yaiḥ |
ata eva vaikuṇṭhasya caraṇāmbujam eva ātyantikaṁ śaraṇaṁ jñātvā ||
Jīva Gosvāmī
krama-sandarbhaḥ
te iti |
te pāṇḍavāḥ sādhu yathā syāt, tathā kṛta-sarvārthāḥ vaśīkṛta-dharmārtha-kāma-mokṣā api vaikuṇṭhasya śrī-kṛṣṇasya caraṇāmbujam eva ātyantikaṁ parama-puruṣārthaṁ jñātvā, tad eva manasā dhārayāmāsuḥ ||
te pāṇḍavāḥ sādhu yathā syāt, tathā kṛta-sarvārthā vaśīkṛta-dharmārtha-kāma-mokṣā api vaikuṇṭhasya śrī-kṛṣṇasya caraṇāmbujam eva ātyantikaṁ parama-puruṣārthaṁ jñātvā, tad eva manasā dhārayāmāsuḥ ||
Viśvanātha Cakravartī
sārārtha-darśiṇī
sādhu yathā syāt, tathā kṛtā anuṣṭhitāḥ sarve’rthā dharmādayo yais tathā-bhūtā api ātyantikaṁ tebhyo’py atyantādhikaṁ śrī-kṛṣṇa-caraṇāmbujam eva manasā nirdhārayāmāsuḥ |
sādhu-kṛtā dharmārtha-kāma-mokṣā yaiḥ |
ata eva caraṇāmbujam evātyantikam iti śrī-svāmi-caraṇāḥ ||
Baladeva Vidyābhūṣaṇa
vaiṣṇavānandinī
sādhu yathā bhavaty evaṁ kṛtāḥ sarve 'rthā dharmādayo yais te tādṛśā api tebhyo'py ātyantikam adhikatamaṁ vaikuṇṭhasya kṛṣṇasya caraṇāmbujam eva jñātvā manasā dhārayāmāsuḥ ||