Śrīmad Bhāgavatam 1.15.37

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.15.37

yudhiṣṭhiras tat parisarpaṇaṁ budhaḥ
pure ca rāṣṭre ca gṛhe tadātmani |
vibhāvya lobhānṛta-jihma-hiṁsanādy-
adharma-cakraṁ gamanāya paryadhāt ||

Translation

— translation pending —

Commentary

Śrīdhara Svāmī

bhāvārtha-dīpikā

budho yudhiṣṭhiraḥ |

tasya kalḥ parisarpaṇaṁ prasaraṇaṁ vilokya |

kathaṁ-bhūtam ? lobhādy-adharma-cakraṁ yasmin |

jihmaṁ kauṭilyam |

paryadhāt tad-ucitaṁ paridhānam akarot ||

Jīva Gosvāmī

krama-sandarbhaḥ

yudhiṣṭhira ity atra tasya tyāge kali-parisarpaṇam uddīpana-mātram |

vastutas tu bhagavat-pārśva-kāmitvam eva kāraṇaṁ jñeyam ||

Viśvanātha Cakravartī

sārārtha-darśiṇī

paryadhāt tad-ucita-pidhānam akarot ||

Baladeva Vidyābhūṣaṇa

vaiṣṇavānandinī

tasya kaleḥ parisarpaṇaṁ praveśaṁ paryadhāducita-vidhānam akarot ||