Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.15.21
← 1.15.201.15.22-23 →
tad vai dhanus ta iṣavaḥ sa ratho hayās te
so’haṁ rathī nṛpatayo yata ānamanti |
sarvaṁ kṣaṇena tad abhūd asad īśa-riktaṁ
bhasman hutaṁ kuhaka-rāddham ivoptam ūṣyām ||
Translation
— translation pending —
Commentary
Madhvācārya
bhāgavata-tātparyam
sa ratho’hayās ta iti tādṛśā ity arthaḥ |
ta iṣavaḥ itīva |
sadṛśe vā pradhāne vā kāraṇe vā tad ity ayam | śabdaḥ saṅghaṭate bhede vidyamāne’pi tattvataḥ || |
tad-ratha-hayānāṁ dāhokteḥ ||
kaivalya-dīpikā : tad iti |
yato dhanur-ādeḥ asad aprayojakam |
īśena riktaṁ hīnaṁ yathā ūṣyām ūṣara-bhūmnyām uptam |
kuhakena kapaṭena rāddhaṁ prāptam |
tad eva bhasmani hutam |
etad yathātyantam aprayojakam idam ity arthaḥ ||
[mu.pha. 13.14]
Śrīdhara Svāmī
bhāvārtha-dīpikā
śrī-kṛṣṇa-viyoga evātra hetur nānya ity āha—tad iti |
yato yebhyo nṛpatayaānamantiīśena riktaṁ śūnyam asat-kāryākṣamaṁ san mantra-vidhānair api bhasmanihutam iva |
atiprītād api kuhakān māyāvinaḥ sakāśād rāddhaṁ labdhaṁ yathā asat |
samyak karṣaṇādināpy ūṣara-bhūmāv uptaṁ bījam iva ||
Jīva Gosvāmī
krama-sandarbhaḥ
na vyākhyātam.
tad vai dhanus ta iṣavaḥ sa ratho hayās te so’haṁ rathī nṛpatayo yata ānamanti | sarvaṁ kṣaṇena tad abhūd asad īśa-riktaṁ bhasman hutaṁ kuhaka-rāddham ivoptam ūṣyām ||
Viśvanātha Cakravartī
sārārtha-darśiṇī
śrī-kṛṣṇa-viyoga evātra hetur nānya ity āha—tad iti |
yato dhanur-ādibhyo hetubhyo mām ānamanti tat sarvam īśena riktam asat kāryākṣamam |
bhasmani hutam iti niṣphalatve kuhakān māyāvinaḥ sakāśāt rāddhaṁ prāptam ity avastu-bhūtatve ūṣyām ūṣara-bhūmau uptam iti naśyad avasthatve dṛṣṭāntaḥ ||
Baladeva Vidyābhūṣaṇa
vaiṣṇavānandinī
kṛṣṇa-viccheda evātra hetur nānyad ity āha—tad iti |
yato dhanur-āder hetor māṁ nṛpatayā ānamanti, tat sarvam īśena kṛṣṇena riktam asat kāryākṣamam abhūt |
tatra dṛṣṭāntaḥ—yathā san-mantrādi-vidhānair api bhasmani hutaṁ vyartham |
kuhaka-rāddhaṁ māyāvi-labdham |
uṣyāṁ samyak karṣaṇādibhir ūṣara-bhūmāv uptaṁ ca tadvat ||
← 1.15.201.15.22-23 →